Ako Ay Pilipino

List of Songs

• Ako ay PilipinoLyrics

  Composed by George Canseco
  
  Ako ay Pilipino
  Ang dugo'y maharlika
  Likas sa aking puso
  Adhikaing kay ganda
  Sa Pilipinas na aking bayan
  Lantay na Perlas ng Silanganan
  Wari'y natipon ang kayamanan ng Maykapal.
  Bigay sa 'king talino
  Sa mabuti lang laan
  Sa aki'y katutubo
  Ang maging mapagmahal.
  Ako ay Pilipino
  Ako ay Pilipino
  Isang bansa, isang diwa
  Ang minimithi ko
  Sa bayan ko't bandila
  Laan buhay ko't diwa
  Ako ay Pilipino,
  Pilipinong totoo.
  Ako ay Pilipino
  Ako ay Pilipino
  Taas-noo kahit kanino
  Ang Pilipino ay ako!
  

• HandogLyrics

  Composed by Florante de Leon
  
  Parang kailan lang
  ang mga pangarap ko’y kay hirap abutin.
  Dahil sa inyo napunta ako sa aking nais marating.
  Nais ko kayong pasalamatan
  kahit man lamang isang awitin.
  Parang kailan lang
  halos ako ay magpalimos sa lansangan.
  Dahil sa inyo
  ang aking tiyan at ang bulsa’y nagkalaman.
  Kaya't itong awiting aking inaawit
  nais ko’y kayo ang handugan.
  Tatanda at lilipas din ako,
  Ngunit mayroong awiting iiwanan sa inyong alaala
  Dahil minsan tayo’y nagkasama.
  Parang kailan lang
  ang mga awitin ko ay ayaw pakinggan.
  Dahil sa inyo narinig ang isip ko at naintidihan.
  Dahil dito’y ibig ko kayong ituring na matalik kong kaibigan.
  Tatanda at lilipas din ako
  Ngunit mayroong awiting iiwanan sa inyong alaala
  Dahil minsan tayo’y nagkasama
  Kahit minsan may naialay sa inyo
  

• Noong Unang PanahonLyrics

  Music by Nonong Pedero / Lyrics by Bien Lumbera
  
  Nung unang panahon
  Ang langit at lupa'y
  Magkaratig halos
  Laganap ang tuwa
  Kapag sa banga
  Ni butil ay wala
  Ang gubat at ilog
  May handang biyaya
  Nung unang panahon
  Ang sikat ng araw
  Ay nagpapalago
  Sa bawat halaman
  Bakit kaya ngayon
  Kay init ng darang
  Ilog tinutuyo
  Parang tinitigang
  Nung unang panahon
  Ang patak ng ulan
  Pinasasariwa
  Dahong naninilaw
  Ngayo'y nagngangalit
  May hanging kasabay
  May bahang kasunod
  Na nakamamatay
  Nung unang panahon
  Ang puso ng tao'y
  Marunong magmahal
  Hindi nanloloko
  Sa hapis ng iba'y
  Laang makisalo
  Layo'y pumayapa
  At hindi manggulo
  Pati na ang langit
  Na dati'y kay baba
  Ay nagpakalayo
  Sa ulilang lupa
  Bathala gumising
  Tuyuin ang luha
  Ng nananawagan
  At nagpapaawa
  Nung unang panahon
  Ang langit at lupa'y
  Magkaratig halos
  Laganap ang tuwa
  Bathala gumising
  Tuyuin ang luha
  Ng nananawagan
  At nagpapaawa
  Nung unang panahon
  Nung unang panahon
  Nung unang panahon
  

• Pilipino AkoLyrics

  Composed by Cecil Azarcon
  
  Koro:
  Pilipino ako, Pilipino ako
  At sa lahat ay sasabihin ko
  Ang lahi ko'y kayumanggi
  Ito'y aking ipagmamalaki
  Pilipino ako, Pilipino ako
  Anumang bansa ang marating
  Mundo man ay siyang libutin
  Anumang tagumpay ang mapasa akin
  Kung ako'y maging sikat maging tanyag at kilalanin
  Kailanman ay hindi ko lilimutin.
  ( ulitin koro )
  Ang tao raw na di marunong lumingon sa pinanggalingan
  Ay hindi mararating ang patutunguhan
  At ang hindi raw marunong na magmahal sa sariling wika
  Ay higit pa sa isang malansang isda.Bridge:
  Bigkas ni Rizal, magiting na bayani
  Isa lamang siya sa marami
  Pilipino na sa bayan ay nag-alay
  Kaya ngayon ako ay narito.
  (ulitin koro 2x)
  

• Sino Ang BaliwLyrics

  Composed by Elizabeth Barcelona
  
  Ang natutuwang baliw yaman ay pinagyabang
  Dahil ari niya raw ang araw pati ang buwan
  May isang sa yaman ay salapi ang hinihigan
  Ngunit ang gintong baul panay kasalanan ang laman
  Sinasambit ng baliw awit na walang laman
  Ulo mo'y maiiling tatawagin mong hangal
  May isang hindi baliw, iba ang awit na alam
  Buong araw kung magdasal, sinungaling rin naman
  Sinong dakila, sino ang tunay na baliw
  Sinong mapalad, sinong tumatawag ng habag
  Yaon bang sinilang na ang pag-iisip ay 'di lubos
  O husto ang isip ngunit sa pag-ibig ay kaposAng kanyang tanging suot ay sira-sirang damit
  Na nakikiramay sa isip niyang punit-punit
  May binatang ang gayak panay diyamante at hiyas
  Ngunit oras maghubad kulay ahas ang balat
  Sinong dakila, sino ang tunay na baliw
  Sinong mapalad, sinong tumatawag ng habag
  Yaon bang sinilang na ang pag-iisip ay 'di lubos
  O husto ang isip ngunit sa pag-ibig ay kapos
  Ooh.....Ahh.......
  Sa kanyang kilos at galaw tayo ay naaaliw
  Sa ating mga mata isa lamang siyang baliw
  Ngunit kung tayo ay hahatulang sabay
  Sa mata ng Maykapal, siya'y higit na banal
  Sinong dakila, sino ang tunay na baliw
  Sinong mapalad, sinong tumatawag ng habag
  Yaon bang sinilang na ang pag-iisip ay 'di lubos
  O husto ang isip ngunit sa pag-ibig ay kapos
  Kaya't sino, sino, sino nga
  Sino nga ba
  Sino nga ba
  Sino nga ba ang tunay na baliw